Díli, loron 22 novembru 2025 - Ministériu Edukasaun liuhusi Inspesaun Jerâl Edukasaun (IGE Sigla Portugés) halo observasaun ba atividade kulinaria kulturál ne'ebé hala'o husi estudante sira iha eskola Ensinu Báziku Filiál 1 no 2 Siklu Camea Raihun, Kuluhun, Duque de Caixias no Becusse de Baixo iha Munisípiu Dili.

Hafoin halo observasaun ba atividade kulinaria kulturál ne'e, Inspetór Eskolár Sr. Amorin Ferreira hateten, atividade prátika kulinaria ne'e hola parte iha Dixiplina Arte e Kultura no partisipante iha atividade Pratika kulinaria ne'e maka estudante sira no husi klase 4⁰ to'o 6⁰.

" Objetivu husi atividade kulinaria kulturál ne’e, estudante sira bele koñese ai-han produtu lokal oin-oin iha rai laran rasik tanba produtu lokal mós nu'udar identidade ai-han Timor nian no orijinál ne'ebé la kontamina ho kímiku", Tenik Inspetór ne'e.

Inspetór Eskolár ne'e esplika, benefisiu husi atividade ne'e bele hasa'e ka aumenta liu tán koñesimentu estudante sira nian kona- ba prátika kulinaria ne’e rasik no . Bele transforma produtu lokál sai ai-han ne'ebé furak ho nutrisaun di'ak.

Nune'e atividade kulinaria kulturál ne'e bele ajuda estudante sira atu dezenvolve ka hamosu liu-tán ideia foun, kreativu, abilidade iha prosesu prepara ai-han produtu lokál iha sira ida-idak nia uma.

#JornalistaEliasdaCosta

#MédiaME