Dili, 20 novembru 2025, Ministériu Edukasaun liuhusi Inspesaun Jerâl Edukasaun ( IGE Sigla Portugés) fasilita formasaun kona-ba Cobo Collect ba Inspetór Eskolár sira husi Munisípiu Dili iha Sala Enkontru HANDS INFODEPE.

Hafoin abertura formasaun Superintendente ba servisu Edukasaun iha Munisípiu Dili Sra. Cesarina Correia Guterres hatete, ohin hanesan kontinuasaun formasaun ba faze daru'ak husi Inspetór Eskolár sira iha Munisípiu Dili kona-ba Cobo Collect nian ne'ebé antes ne'e hetan ona formasaun durante loron tolu iha hotél Novu Turizmu.

"Ohin ami parte inspesaun munisípiu Dili nian prepara an atu bele halo inspesaun ba eskola sira iha Kapitál Dili ho di'ak liután iha tinan 2026 no matéria sira ne'ebé hetan iha formasaun ne'e importante tebes ba Inspetór Eskolár sira tanba presiza halo revizaun ba formatu sira inspesaun nian." Tenik Superintendente.

Superintendente ne'e esplika, bainhira halo observasaun ba Eskola sira maka manorin sira hanorin tenke la'o ho planu lisaun no ambiente eskola tenke moos.

Nune'e rekorda katak iha formasaun ne'e hetan partisipasaun husi Inspetór Eskolár sira iha Pre-Eskolár, Ensinu Báziku no Ensinu Sekundária sira hamutuk 13 inklui Superintendente nomós akompaña husi Sub-Inspetór Jerál Núkleu, Administrasaun Eskolár Sr. Rodolfo Henrique Aparicio.

#JornalistaEliasdaCosta

#MédiaME