Dili, 17 Novembru 2025 – Orsamentu Jerál Estadu (OJE) tinan fiskál 2026 ba Ministériu Edukasaun ho totál submisaun $ 117,550,930, aprova ona iha Parlamentu Nasionál ho votu afavór 43, abstensaun 21 no kontra zero, iha debate faze espesialidade loron datoluk nian, iha parte lorokraik.

Orsamentu Jerál Estadu (OJE) tinan fiskál 2026 bá Ministériu Edukasaun (ME) ho totál submisaun $117,550,930 aprova ona ho votus a favór 43, abstensaun 21 no kontra zero, iha debate faze espesialidade loron da-toluk parte lorokraik, segunda (17/11/2025).

Orsamentu Ministériu Edukasaun nian ne’e fahe ba kategoria Saláriu no Vensimentu ho totál $93,624,244, Bens no Servisus korrentes totál $13,400,000, Transferénsias Públikas totál $4,852,080, Kapitál Menór totál $2,000,000 no Kapitál Dezenvolvimentu totál $7,053,600.

Ministériu Edukasaun iha programa Lima, sub programa 30 no atividade hamutuk 80.

Programa lima ne’e mak hanesan:

Programa 510: Funsionamentu no Dezenvolvimentu Institusionál

Programa 520: Edukasaun Pre-eskolár

Programa 521: Ensinu Báziku

Programa 522: Ensinu Sekundáriu Jerál no Tékniku Volasionál

Programa 523: Ensinu Rekorrente

Debate espesialidade ne’e lidera hosi Prezidente Parlamentu Nasionál, Maria Fernanda Lay no partisipa hosi Primeiru-Ministru (PM), Kay Rala Xanana Gusmão, membru Governu sira inklui entidade relevante seluk.

Proposta Lei OJE 2026 Billiaun $2.214.689,195 ho kategoria Saláriu no Vensimentu $476.870.249, Bens no Servisu Korrentes $447.904.446, Transferénsia Públika $820.710.160, Kapitál Menór $32.556.96 no Kapitál Dezenvolvimentu $436.647.379.