Dili, 24 Novembru 2025

Ministériu Transporte no Komunikasaun liuhosi Diresaun Nasionál Administrasaun Lojistika no Patrimónia Estadu segunda ohin, ofisialmente entrega ambulift ida bá Administrasaun Aeroportu no Navegasaun Áerea Timor-Leste empreza públika (ANATL-EP, hodi fasilita nesesidades servisu sira iha Aeroportu Internasionál Prezidente Nicolau Lobato (AIPNL) Comoro Díli.

Antes ne’e kareta Ambulift refere entrega husi Ministériu Administrasaun Estatal iha loron 4 novembru 2025 bá Ministériu Transporte no ohin entrega bá ANATL.

Kareta ambulift refere sosa iha momentu vizita husi maktoban Sua Santidade Papa Francisco iha Timor-Leste.

Kareta ambulift ne’e rasik sei fasilita servisu ANATL, E.P nian, espesifikamente atu fasilita ema ho kondisaun fiziku espesiál no ema moras grave sira.

Kareta refere entrega direta husi Diretór DNLAP Nuno Alves da Costa, bá Vogál (II), ANATLP Marco Paulo dos Reis Faria de Sousa, akompaña husi Ministru Transporte no Komunikasaun, Eng.Miguel Marques Gonçalves Manetelu. Serimónia ne’e hala’o iha salaun MTK Kaikoli Dili.

𝐌𝐞́𝐝𝐢𝐚 𝐌𝐓𝐊