Sekretáriu Estadu Asuntu Toponímia no Organizasaun Urbana (SEATOU), Germano Santa Brites Dias, akompaña hosi Diretora Jéral Toponímia no Organizasaun Urbana (DG-TOU), Maria Odete Barros Florindo hamutuk Membru Falintil-Forsa Defeza Timor Leste (F-FDTL), hala’o limpeza jéral iha ambitu komemorasaun loron istóriku Aniversáriu Proklamasaun Independénsia Repúblika Demokrátika Timor-Leste ba Dala-50. (sexta-feira, 21/11/2025)

Governu promove atividade limpeza jéral ne’e durante loron tomak, tuir mapeamentu ne’ebé sirkula ona ba instituisaun estadu no setór privadu/kompañia sira, durante limpeza ekipa SEATOU mós apela hodi mobiliza populasaun sira hamutuk hamoos iha fatin públiku sira no bairru laran.

Kampaña ba limpeza ida-ne’e rasik, hanesan parte ida hodi Mantein ita nia ambiente moos no saudavel atu simu ita nia loron istóriku Aniversáriu Proklamasaun Independénsia Repúblika Demokrátika Timor-Leste iha loron 28 Novembru 2025.

Mapeamentu ekipa SEATOU ho Ministeriu Defeza (MD), limpeza hahú hosi Palásio Presidente ba Kolmera – Palásio Governu to’o Toko Lay. Limpeza ne’e hetan apoiu hosi Compañia Díli United. Lda.

Fontes: https://www.facebook.com/share/p/17udCKeZi4/