Díli-Segunda 24/11/2025 Ministériu Finansas liuhusi Autoridade Aduaneira (AA) serbisu hamutuk ho Directorat Jenderal Bea Dan Cukai Republic Indonesia (DJBC) – INDONESIAN AID, realiza abertura kona-ba Treinamentu ba Treinadór (TOT-sigla inglés) no Avaliasaun, Nomenklatura Tarifária Harmonizada ASEAN (AHTN-sigla inglés) 2022, ba funsionáriu Autoridade Aduaneira.

Durante diskursu abetura Komisáriu Autoridade Aduaneira Sr. Joanico Pinto destaka treinamentu ne’e importante tebes, atu dezenvolve kapasidade no reforsa rekursu umanu partikularmente ba funsionáriu alfándega. Aleinde ne’e importante mós maka junta kontrolu aduaneiru iha area fronteira entre nasaun rua, nune’e bele kombate tráfiku ilegál, krime transnasionál nomós ameasa sira seluk.

Komisáriu AA mós agradese ba Embaixada Repúblika Indonezia iha Timor-Leste (KBRI-sigla bahasa) no Indonesian AID, ne’ebé suporta ona Ministériu Finansas. Antes ne’e Autoridade Aduaneira haruka ona funsionáriu 25 ba tuir treinamentu iha Jakarta, no sei kontinua to’o ohin loron liuhusi kooperasaun nasaun rua nian.

Serimonia abertura ne’e hetan prezensa masimu husi jestor sira Autoridade Aduaneira, Indonesian-AID reprezenta husi Xefe Subdiresaun no Klasifikasaun Merkadoria Sr. I Made Wijaya, inklui mós KBRI.

Treinamentu ne’e hala’o durante loron haat iha salaun pizu 7, Salaun Auditorium kayrala Xanana gusmão.

#Foto: #Ekipa #Media #Ministériufinansas

Fontes: https://www.facebook.com/share/p/1JGMbS8Rfc/