Yangon, Myanmar, 20 Novembru 2025

Hafoin partisipa iha Enkontru Ministru Transporte ASEAN nian bá dala 31 iha Nay Pi Taw.

Iha nia viajen mai Yangon molok kontinua viajen bá Tailándia Ministru Transporte no Komunikasaun, Eng.Miguel Marques Gonçalves Manetelu hala’o vizita kortézia da-huluk bá iha Embaixada Timor-Leste iha Sidade Yangon, Myanmar.

Iha hasoru malu ne’e Ministru Manetelu halo kedas enkontru ho Segundu Sekretáriu Embaixada Timor-Leste iha Yangon Myanmar, Elisio do Rosario Sousa.

Iha enkontru ne’e Ministru Manetelu husu bá diplomata Timor-oan ne’e atu kontinua hametin relasaun di’ak ho Myanmar, liuhosi kooperasaun bilaterál iha area oi-oin nomos halo koordenasaun hodi hametin liu tan relasaun diplomatika entre Timor-Leste ho Myanmar.

Ministru Manetelu mós enkoraja diplomata timor-oan ne’e atu kontinua hatudu vontade tomak hodi hasoru situasaun sira iha Myanmar.

𝐌𝐞́𝐝𝐢𝐚 𝐌𝐓𝐊