Dili, 18 Novembru 2025

MJDAK, liuhusi Diresaun Jerál Servisu Korporativus (DJSK), hatudu kompromisu boot ba Transparénsia no Ezekusaun Orsamentu! Iha 'Café Hamutuk ho Média' ohin, DJSK fó sinál klaru: $11.8 Miliaun uza ho efikás.

ORSAMENTU VITORIÓZU

Diretór DNGF, Guido Monteiro, konfirma:

Orsamentu sa'e ba $11.8 Miliaun (inklui $2.4M hosi FOG ba Jogu CPLP).

Ezekusaun to'o Outubru liu ona 80%! Targetu finál to'o Dezembru: liu 95%.

"Ami garante ho dezeñu ne'ebé lós ba Portál Transparénsia Governu nian," dehan Guido Monteiro.

INFRAESTRUTURA NU’UDAR PROVA (DNPLI)

Diretór DNPLI, Abel de Jesus Andrade, hatudu rezultadu konkretu:

Manatutu Kuaze Remata: Estadiu Foun kuaze kompletu ona (95% pagamentu). Ida-ne’e dezentraliza dezenvolvimentu.

Fasilidade Ativa: MJDAC garante katak Kampu sira hanesan Lecidere, Gleno, Estadiu Dili, Ginaziu Dili no Kampu Becora kontinua fungsiona hodi fó espasu seguru ba joven sira!

LÍDER NAI'N 53+: INVESTIMENTU BA KARATER (DNPC)

DNPC, liuhusi Diretór Anannias Bendito Pinto, fó detallu ba kualidade:

MJDAC aloka $8,000 ba kada Sentru Juventude no organizasaun Juventude atu sustenta Formasaun Kualidade (hanesan LSBE, Lian Portugues, Ingles no Korea, Hospitalidade, Relasaun Saudavel, Komputador, Administrasaun no Finansa).

ALVU DIRETA: Formasaun ne'e foka ba liu 53 Líder Joven iha kada Munisípiu.

IMPAKTU: Líder sira-ne’e mak sai ajente mudansa hodi fahe kbiit ba liu 5,000 joven ne'ebé benefisia iha kada Munisípiu (tuir dadus SIPMARE).

Anannias Pinto: "Orsamentu ne'e investe ba Karater no Lideransa nian, hodi garante sira hetan kapasidade atu redús konflitu."

Diretora Jerál Isabel Ferreira nia lian: Jestaun responsavel ba OJE sai instrumentu estratéjiku hodi hari'i infraestrutura no dezenvolve karater joven Timor-Leste nian.