DÍLI, 19 Novembru 2025 – Ministériu Juventude, Desportu, Arte no Kultura (MJDAC) nia proposta Orsamentu Jerál Estadu (OJE) 2026 ho valór totál $11,858,436 hetan ona aprovasaun iha Parlamentu Nasionál, durante debate faze espesialidade iha Kuarta-feira (19/11/2025).

Votasaun hatudu apoiu boot ba investimentu ba joven no kultura: 42 votus a favor, 1 kontra, no 22 abstensaun.

ORSAMENTU MJDAC DETALLU (TOTAL: $11.858.436)

Orsamentu ne'e aloka tuir kategoria despeza haat (4):

Transferénsia Públika $6.337.995

Saláriu no Vensimentu $2.360.216

Bens no Servisu $1.937.535

Kapitál Dezenvolvimentu $1.222.690

IMPLEMENTASAUN LIU HUSI PROGRAMA

MJDAC sei implementa orsamentu ne'e hodi foka ba área krítiku sira tuir estrutura OJE 2026:

• Programa 024: Kultura no Patrimóniu $1.640.939

• Programa 510: Funsionamentu no Dezenvolvimentu Institusionál $3.600.629

• Programa 980: Inkluzaun Sosiál $6.616.868

DEBATE HO LIDERANSA

Debate krítiku ne'e hala'o tuir lideransa Prezidente Parlamentu Nasionál, Maria Fernanda Lay, no hetan partisipasaun husi Primeiru-Ministru, Kay Rala Xanana Gusmão, hodi hametin kompromisu Governu ba transparénsia no ezekusaun OJE.

KONTEKSTU OJE JENERALIDADE

Proposta Lei OJE 2026 jeneralidade ho totál $2.214.689.195 mós aprovadu. Ne'e inklui fundus boot ba Kapitál Dezenvolvimentu Estadu nian ($436.647.379).

MJDAC pronto ona atu hala'o knaar hodi lori progresu ba Juventude, Desportu, Arte no Kultura iha 2026