Dili, 26 Novembru 2025

Embaixadór Vietname bá Repúblika Indonézia Ta Van Thong kuarta ohin hasoru malu ho Ministru Transporte no Komunikasaun, Eng.Miguel Marques Gonçalves Manetelu.

Embaixadór Ta Van Thong hanesan reprezentante governu Vietname sei partisipa iha Aniversáriu Proklamasaun Independénsia Repúblika Demokrátika Timor-Leste bá dala 50 hanesan enviadu espesiál husi governu Vietname.

Iha viajen ne’e, Embaixadór mós akompaña ho diplomata Komérsiu sira atu halo diskusaun ho Ministériu sira Timor-Leste atu hasa’e kooperasaun komérsiu & investimentu entre Vietname no Timor-Leste liu-liu iha área telekomunikasaun no ICT.

To’o oras ne’e, seitor telekomunikasaun sai hanesan simbolu kooperasaun entre Vietnam ho Timor-Leste no depois Timor-Leste iha ona kabu sub-mariñu, empreza Vietnam (liu-liu Viettel Timor) bele kontinua no habelar investimentu iha Timor-Leste iha 5G, Data Center, fixed broadband ho apoiu husi MTK no Ministériu sira seluk.

𝐌𝐞́𝐝𝐢𝐚 𝐌𝐓𝐊