Sábado (22/11/2025), Konsellu Ministrus (KM) hala’o Sorumutu Estraordináriu iha Palásiu Governu hodi halo delibera ba desizaun krítiku sira ne’ebé liga ba industrializasaun, rekursu naturál no kobertura sosiál. Ministru MJDAC, Nelyo Isaac Sarmento, mós partisipa iha sorumutu ne'e.

LUZ VERDE BA FUTURU ENERJÉTIKU:

KM fó poder tomak ba Ministru Petróleu no Rekursus Minerais atu asina Akordu Kooperasaun ho Woodside Energy. Desizaun ne’e nu'udar pasu krítiku atu:

• Dezenvolve projetu TLNG1 no Gaz.

• Halo avaliasaun téknika ba futuru unidade LNG iha territóriu Timor-Leste.

• Garante benefísiu husi Greater Sunrise kontribui ba dezenvolvimentu nasionál!

LOKE OPORTUNIDADE INVESTIMENTU:

KM aprova Termu Referénsia hodi lansa Konkursu Mineiru Públiku ba Konsesaun Lisensa Prospesaun no Peskiza Minerál.

• Objetivu: Lansa konkursu iha semana ikus fulan-Novembru atu promove transparénsia no investimentu sustentável iha setór minerál!

SEGURANSA SÓSIAL NO SAÚDE:

KM garante protesaun sosiál no saúde sidadaun nian:

1. Seguransa Sosiál CPLP: Autoriza Ministra MSSI hodi asina Akordu atu garante portabilidade direitu sosiál ba sidadaun TL iha País Lian Portugés sira.

2. Dívida Ospitál: Autoriza despeza $10 Miliaun Amerikanu hodi selu dívidas ba ospitál internasionál kona-ba tratamentu médiku pasiente sira.

RAEOA NO KM

KM mós aprova atu estende mandatu Prezidente no Dirijentes Autoridade Rejiaun Administrativa Espesiál Oekusi Ambenu (RAEOA) nian to’o loron 31 Dezembru 2025.

Desizaun KM ne’e reafirma Governu nia kompromisu atu harii fundasaun ekonómiku ne’ebé forte no garante protesaun sosiál ba sidadaun hotu!