Lautem, – Ministériu Juventude, Desportu, Arte no Kultura (MJDAC) liuhusi Diretora Jerál Serbisu Kooperativu, Sra. Izabel Adalziza, no DNPLI, Sr. Abel de Jesus Andrade, iha segunda loron 24 fulan novembru tinan 2025 nee hala’o enkontru ho Prezidente Autoridade Munisípiu (PAM) Lautem.

XAVE BA PROSESU INFRAESTRUTURA

Objetivu prinsipal enkontru ne'e mak atu koordena ho PAM Lautem no Terras Propriedade atu atribui rai Estadu hamutuk 15 hektares ba MJDAK, hodi realiza planu konstrusaun Estadiu Munisipál Lautem.

Sr. Abel de Jesus Andrade (DNPLI): "Ami presiza atribuisaun rai ne'e atu kontinua ba prosesu estudu tékniku (DID/QAR) ba Estadiu Lautem, hanesan Estadiu Covalima no Manufahi ne'ebé remata ona levantamentu dadus nian."

APOIU HUSI AUTORIDADE MUNISIPÁL

Sekretáriu PAM Lautem, Sr. Francisco dos Santos, hato’o apoiu totál ba programa Governu nian ne'e, no husu ba komunidade sira atu kolabora lalais hodi permite dezenvolvimentu ne’e!

MJDAK komprometidu atu garante dezenvolvimentu desportu iha Munisípiu hotu-hotu!