Dili, 25 Novembru 2025 – Ministériu Juventude, Desportu, Arte no Kultura (MJDAC), hamutuk ho ONG Belun no MENEC, kontinua hala'o diseminasaun informasaun estratéjika kona-ba Timor-Leste nia adesaun ba ASEAN ba komunidade no joven sira!

XAVE BA LIDERANSA FUTURU

Diretór Nasionál Asosiativismu Juventude (DNAJ), Mário Tilman, hateten katak joven sira iha ne’e mak futuru nasionál, no tenke prepara aan iha kualidade 5:

1. Saudavel

2. Edukadu

3. Kompetitivu

4. Ativu

5. Responsável

Mário Tilman (DNAJ): "Polítika Governu nian agora konsentra atu dezenvolve joven sira hodi sai na’in ba dezenvolvimentu ne’ebé sei mai, hodi bele prontu tama ba ASEAN!"

BELUN NU'UDAR PARSEIRU

Atividade ne'e nu'udar parte husi koperasaun MJDAC nian ho Sosiedade Sivíl, liuliu ONG Belun, ne'ebé foka ba:

• Prevensaun Konflitu no Promove Advokasia.

• Dezenvolvimentu Kapasidade Komunidade Inkluzivu.

Belun nia vizaun mak atu joven Timor-Leste nian iha kbi’it kreativu no krítiku hodi promove dame.

OBJETIVU 3 HODI PREPARA JOVEN

Ami-nia objetivu prinsipál mak atu komunidade sira iha área rurál (inklui grupu feto no joven sira) bele hatene:

1. Kondisaun saida mak Governu presiza implementa nudar membru ASEAN.

2. Kontribuisaun no responsabilidade saida mak sira rasik bele fó ba susesu Timor-Leste ho ASEAN.

3. Benefísiu no Dezafiu sira husi adesaun Timor-Leste ba dezenvolvimentu nasionál.

Diseminasaun ne'e sei hala'o iha Munisípiu 3, inklui Baukau, Covalima, no Dili!

Atividade ne'e nu'udar ezemplu di'ak kona-ba servisu hamutuk entre Governu (MJDAC/MENEC) no Sosiedade Sivíl (Belun), hodi garante katak Polítika Nasionál Juventude nian no informasaun kona-ba ASEAN to'o duni iha baze!

MJDAC – Hametin koperasaun ho Sosiedade Sivíl hodi prepara joven sai Lider ativu ba Rejiaun!