Dili, 01 Dezembru 2025

Ministériu Transportes no Komunikasaun, realiza Isár Bandeira Nasionál semana da-huluk fulan ikus tinan 2025 iha resintu edifísiu MTK Kaikoli Dili.

Isár Bandeira Nasionál fulan ne’e responsabiliza husi DNTT, hanesan inspetór bá Isár Bandeira segunda ne'e, Ministru Transportes no Komunikasaun, Eng.Miguel Marques Gonçalves Manetelu, hato’o nia diskursu ikus iha tinan ne’e. Husu funsionáriu bá direjente sira iha admininistrasaun direta no indireta atu halo auto avaliasaun bá servisu saida deit mak halo ona iha tinan 2025 no husu bá direjente sira atu halo kontrolu masimu bá servisu sira ne’ebé hala’o tiha ona durante tinan ida nia laran.

Razaun Ministru Manetelu hato’o lia hirak ne’e tanba haree bá prestasaun servisu husi funsionáriu sira no direjente sira seida'uk masimu tanba ne’e Ministru Manetelu enkoraja nafatin funsionáriu sira atu hatudu prestasaun servisu ne’ebé di’ak liutan iha tinan 2026.

Iha tinan 2026 servisu sei aumenta tanba ne’e persiza aselera servisu no hatudu vontade tomak hodi halais servisu balu ne’ebé seida’uk atinji.

Governante ne’e mós husu bá funsionáriu no direjente sira iha administrasaun direta no indireta atu halo servisu tuir orientasaun ministru nia nomos tuir programa ne’ebé trasa ona iha governasaun ne’ebé lidera husi Primeiru-Ministru Kayrala Xanana Gusmão.

M𝐞́𝐝𝐢𝐚 𝐌𝐓𝐊