Iha diskursu, Sekretáriu Estadu hato’o ninia kongratulasaun no apresiasaun kle’an ba dirijente no funsionáriu sira hotu husi Ministériu Administrasaun Estatál (MAE) ba sira-nia dedikasaun no servisu maka’as, hodi fó susesu ba Komemorasaun Aniversáriu Proklamasaun Independénsia Timor-Leste nian ba dala 50, inklui Feira Nasionál ne’ebé mak organiza iha Tasi-tolu durante loron neen.

Nu’udar tinan 2025 ne’ebé besik atu remata ona, SEDL nafatin husu no enkoraja

funsionáriu no kargu xefia sira hotu, atu leal nafatin ba sira-nia servisu, tane aas profisionalizmu, no mantein dixipliña rigorozu iha ida-idak nia servisu fatin, no fiar katak iha 2026, funsionáriu hotu-hotu sei mai ho espíritu foun hodi simu mudansa signifikativu no pozitivu sira ba dezenvolvimentu nasaun nian.

Serimónia Isár Bandeira ne'e ofisialmente lidera husi Sekretáriu Estadu ba Dezenvolvimentu Lokál, no akompana husi Sekretáriu Estadu ba Toponímia no Organizasaun Urbana (SEATOU), Germano Santa Brites Dias ho prezensa másimu husi Xefe Gabinete, Diretór-Jerál no Nasionál sira, Xefe Departamentu sira, Asesor/a, Tékniku Espesializada no Funsionáriu hotu-hotu husi Ministériu Administrasaun Estatál.

Fontes: https://www.facebook.com/share/p/1FByDc4wLd