Dili. 01 Dezembru 2025 – Ministériu Agrikultura, Pekuária, Peskas no Florestas (MAPPF), iha Segunda, primeira semana fulan dezembru ne’e, hala’o serimónia içar Bandeira Nasionál iha resintu MAPPF, Comoro - Dili

Ministru Agrikultura, Pekuária, Peskas no Florestas (MAPPF), Eng. Marcos”MAMETA” da Cruz MAgSt iha nia entervensaun hateten atividade ne’e importante atu haforsa sentidu nasionalismu no motivasaun ba dirijente no funsionáriu sira atu servisu ho responsabilidade hodi kontinua serví.

Ministru hato’o agredese ba funsionáriu sira hotu nebe’e servisu ho diak iha tinan ida ne’e nia laran.hodi servi ita nia estadu hodi hasae produsaun no husu atu Direjente sira kontrola nafatin funsionariu sira atu nafatin disiplina iha servisu.

Serimónia ne’e, Ministru Agrikultura, Pekuária, Peskas no Florestas, Eng. Marcos da Cruz hanesan inspetór no hetan akompaña hosi Sekretáriu Estadu Peskas, Dr. Domingos da C. dos Santos ‘’Mau-,Caro’’ ho Sekretáriu Estadu Florestas, Eng. Fernandino Vieira da Costa.

Iha serimónia ne’e, envolve partisipasaun másimu hosi funsionáriu hotu,Parseiru Dezenvolvementu sira, Assesor Nasional no Assesor Internasional.

Insar bandeira ne’e hanesan ikus iha tinan 2025 no parte husi disiplina no patriotizmu iha área servisu públiku nian.