Dili, loron 1, fulan Dezembro, tinan 2025, Sekretaria Estadu ba Formasaun Profissional no Empregu – Diresaun Nasional Empregu Estranjeiru, representa husi Diretór Jeral SEFOPE Sr. Carlito do Rosario Cabral, akompaña husi Diretór Jeral Servisu Korporativos SEFOPE, Sr. Nelson Soares Carvalho, Diretór DNEE, Sr. João Correia Pereira, representa Sekretaria Estado ba Igualdade-SEI, Sr. João, inklui representa DFTA, Mrs. Elia, partisipa direita iha eventu kampana International 16 Loron Ativismu “KONTRA VIOLÉNSIA HASORU FETO NO LABARIK FETO iha edifisiu DNEE, City 8, Manleuana.

Tematiku ba kampana tinan ida ne’e maka “HAMUTUK HASAE KONXIENSIA LITERASIA DIJITAL NO ONLINE SEGURU BA FETO NO LABARIK FETO IHA DIVERSIDADE HOTU”. Kampana refere akontese anualmente hahu iha dia 25 Novemberu no sei remata iha dia 10 Dezembru . Objetivu fundamentu husi kampana ida ne’e mak atu enkoraja esforsu sira hodi halo prevensaun no kombate violénsia hasoru feto no labarik feto sira iha mundu tomak. SEFOPE orgullu tebes tamba momentu ida ne’e hanesan tempu dahuluk ne’ebe SEFOPE hahu integra kapmana refere iha ninia servisu , realizasaun ida ne’e marka mos pasu signifikativu ida iha komitmentu atu elimina violensia no diskriminasaun sira iha SEFOPE ninia servisu liu-liu iha programa Mobilidade laboral.

Tuir Komisaun Nasionál Violénsia Hasoru Feto, historikamente movimentu ida-ne'e hahú uluk hosi Institutu Lideransa Globál Feto nian iha tinan 1991, ne'ebé hetan patrosíniu hosi Sentru ba Lideransa Globál Feto nian konsidera loron ativismu 16 hanesan momentu ida nebe krusial ba mundu atu refleta feto nia luta no haforsa komitmentu Eliminasaun violensia hasoru feto no labrik feto hotu iha mundu.