1 Dezembru 2025: Ministra Saúde (MS) dr. Élia A.A. dos Reis Amaral, SH akompaña hosi Vise-Ministru ba Fortalesimentu Institusionál Saúde (VMFIS) Sr. José dos Reis Magno Lic. SP, MM, prezide Isár Bandeira Nasionál iha, Resintu Edifísiu Palácio das Cinzas, Caicoli, Dili.

MS iha biban ne’e apela ba Diretór Jerál (DJ) sira, Nasional, Xefe Departamentu, Kuadrus Ezekutivus (KE) no mós funsionáriu hotu atu hala’o sira-nia knaar hodi apoiu másimu ba Diresaun Nasionál (DN) sira, nune’e mós ba Diresaun Nasionál Orsamentu Jestaun Finanseira (DNOJF) hodi aselera prosesu pagamentu sira nune’e bele la’o ho di’ak.

Aleinde ne’e mós MS fó parabens no agradese ba nain Prezidente Republika (PR) ne’ebé promulga Orsamentu Jerál Estadu (OJE) ba tinan 2026 nian, no mós agradese wain ba señor DJ sira ne’ebé maka fó apoiu tomak sempre akompaña debate OJE iha Jeneralidade no Espesialidade.

Isár bandeira nasionál ne’e hetan partisipasaun másimu hosi KE MdS no funsionáriu sira.

#MídiaPalácioDasCinzas