𝐃𝐈𝐋𝐈,𝟎𝟏/𝟏𝟐/𝟐𝟎𝟐𝟓: Vise-Primeiru Ministru, Ministru Koordenador ba Assuntu Sosiais, Eng, Mariano ASSANAMI Sabino, Parabeniza Ejisntensia Ajensia Nasional ba Akreditasaun no Avaliasaun Akademika (ANAAA), ne’ebe halo tinan bad ala 15, ne’ebe konsidera halo knar ne’ebe importante tebes ba dezenvolvimentu rekursu umanu iha Timor-Leste.

ANAAA nu’udar ajensia ne’ebe durante ne’e hala’o knar iha kolaborasaun di’ak ho ensinu superior sira iha Timor-Leste hodi prepara matadalan oinsa universidade sira bele kumpri hodi hasa’e kualidade ensinu hodi forma Timor-oan sira ne’ebe kualifikadu, kompetetivu iha mundu traballu.

“Ohin loron ita tama ona ba ASEAN, CPLP, G7+ no OMK, iha ne’eba sei mosu kompetisaun ne’ebe makas, tanba ne’e ita tenke investe, adapta aan ba nesesidade merkadu atu nune’e ita bele kompete ho nasaun sira seluk, entaun ANAAA nia papel importante tebes oinsa bele kria kurikulu ne’ebe integradu hanesan ho nasaun sira iha ASEAN, CPLP no sira seluk atu ita bele kompete,” dehan, V-PM, iha Salaun CNE, Kolmera.